Friday, June 28, 2013

මන්තරකාරි...............

ආයිත් ඔන්න මම කථාවක් කියන්නයි යන්නෙ,
මෙක................
හ්ම්ම්ම්ම්ම්....
අපි කියමු ලේසියට "මන්තර කාරියෙක්" ගැන කියලා,
මන්තර කාරියෙක් කිව්වට ඈ කෝපි කාලෙ මන්තර කාරියො වගේ වැරහැලි ඇඳුම් ඇඳගත්තු මායා කොස්සක් උඩ අහසින් ගමන් ගියපු කෙනෙක් නෙවෙයි,
ඈව හැම වෙලේම දැකගන්න හම්බ උනේ පපුවට හිර වෙන්න ඇදපු ප්‍රින්ටඩ් ටී ශර්ට් එකකුයි, ඇගට හිර වෙන්න ඇඳපු ඩෙනිම් කලිසමකුයි එක්ක තමා,
ආ තව ඈ අතේ හැම වෙලේම ටිකක් මිල අඳික ස්මාට් පෝන් එකකුත් දකින්න ලැබුනා,
ඈ ඕනි ගමනක් යන්න පාවිචි කලේ බස් එක තමා,
ඈට උඩිං යන්නත් පුලුවං ඇති,සමහර විට ඈ උඩිං යන්න කැමති නැතුව ඇති,
කොහොම උනත් කථාවට ඒක වැඩක් නෑ,
කථාව කියන මම ඒක දන්නෙත් නෑ,
ආ තව එකක් කියන්න අමතක උනා,
ඈ මන්තර කාරියෙක් උනාට ලස්සනයි,
එක පාරක් කවුරු හරි දැක්කොත් ආයිමත් හැරිලා බලන්න හිතෙන විදියෙ ලස්සනක් ඈට තිබුනා,
අනික ඉස්සර මන්තර කාරියො හිටියෙ රවාගන උනාට,දකින හැම මනුස්සයත් එක්කම මූන පුරා හිනාවෙන පුරුද්දක් ඈට තිබුනා,
ඉතිං ඈ සාස්තර කියන්න, ගුරුකං කරන්න ඉස්සර කට්ටිය වගෙඑ ගස් ගල් ගානෙ ගියෙ නෑ,
ජීවිතේට හොයන්න බැරි පැල, කඟවේන අං එහෙම ඉල්ලුවෙත් නෑ,
ඈ සාස්තරයක් කියන්න ඕනිනම් කරන්නෙ ඇගෙ ස්මාට් පෝන් එකට හෙඩ් සෙට් එක හයි කරලා කනේ ගහගන්න එකයි,
ඊට පස්සෙ මීඩියා ප්ලේයරෙන් "එකෝන්" ගෙ හරි "බීබර්" ගෙ හරි සින්දුවකට මිනිත්තු කීපයක් සවන් දෙන ඈ පටන් ගන්නවා සාස්තරය අහන්නාගෙ අතීතය කියන්න,
පරන අය අර කිරි ගහට ඇන්නා කියලා කියන්නෙ,අන්න ඒ වගේ අතීතය කියලා ඉවර කරන ඈ ඊ ලඟට පටන් ගන්නවා අනාගතය කියන්න,
ඈ අනාගතය කියන්නෙ අනික් අය වගෙ නෙවෙයි,
එක අනාගතයක් වෙනුවට ඈ අනාගතයන් කිහිපයක් කියනවා,
කලුත් නැති, සුදුත් නැති,
කියලා ඈ කියනවා කැමති අනාගතයක් තෝරගන ඒක දිහාවට ගමන් ආරම්භ කරන්න කියලා,
ඈ මේ කියන සාස්තර වලට මුකුත් ඉල්ලන්න යන්නෙ නෑ සාස්තර අහන්නන්ගෙන්,
කොහේදි හරි ඈව දැක්කාම ඔවුන් මූන පුරා හිනා වේවි කියල බලාපොරොත්තු වෙනවා ඇරෙන්න,
ඒත් බොහෝම අය ඇගෙන්නම් පෝන් නම්බරයනම් ඉල්ල ගන්නවා,
ඈ ගුරුකම් කරන විදිය මම කියන්න යන්නෙ නෑ ඒකෙන් කතාවට වැඩක් නැති හන්දා,
ඒත් ඒකට ලැප්ටොප් එකක් සම්බන්දයි කියලා විතරක් මම කියන්නම්,
ඔන්න දැන් තමා හරි කතාව පටන් ගන්නෙ,
ඈ දවසක් බස් එකේ ගමනක් යද්දි හමු වෙච්ච එක තරුනයෙකුට ඕනි වෙනව ඇගෙන් සාස්තරයක් අහන්න,
දැන් මගෙන් අහන්න එපා ඔහු කොහොමද ඈ මන්තර කාරියෙක් ය කියලා දැනගත්තෙ කියලා,
මම දන්නෙ නෑ,
ඔහු කොහොම හරි දැන ගත්තා,
ඉතිං ඈ පුරුදූ විදියට සාස්තරෙ කියන්න පටන් ගත්තා,
ඉතිං අතීතය කියලා ඉවර වෙලා අනාගතය කියන්න පටන් ගන්නකොට මහ පුදූම දෙයක් උනා,
ඈ කවදාවත් කියපු එකම සාස්තරයකවත් ඇගේ ගැන තිබුනෙ නෑ,
ඒත් මෙන්න මේ තරුනයාගෙ අනාගතයෙ ඇගේ ගැන කියවුනා,
ඈ ඒක මේ තරුනයාට කියන්න බය වුනා,
මන්තර කාරි සාස්තරය ඔක්කොම තරුනයට කිව්වා,හැබැයි ඒ ඇගේ නම තිබුනු කොටස අයින් කරලා,
සාස්තරය කියලා අවසානයේදි වෙන කාගෙන්වත්ම මුකුත්ම නොයිල්ලපු ඈ,
ඔහුගෙන් පෝන් නම්බරේ ඉල්ල ගන්නවා,
ඉතිං ඒ කථාවෙ දැනට කියන්න පුලුවං හරිය ඔච්චරයි,
ඉතුරු ටික ආරන්චි වුනාම කියන්නම්,
හැබැයි තව මන්තර කාරි නොහිතපු දෙයක් තියනවා කියන්න,
ඒ තරුනයාගෙ අනාගතේ මන්තර කාරි ලියවෙන්නෙ ඇගේ සාස්තරය නිසාම බවත්,
සාස්තරයෙ ඈ ගැන කියවෙන්නෙ අනාගතය නිසා බවත්......

7 ප්‍රතිචාර!!:

Sithum said...

මන්තරකාරියොන්ටත් ඇත්තටම ආදරේ හිතෙනව! මොනදේ කරත් පන ගැහෙන හදවතක් හැංගිලා තියනවනෙ ඇග ඇතුලෙ.

සිතුම් සයුර

Deeps said...

පිස්සු වගේ

Unknown said...

හ්ම්ම්ම්ම්ම්ම්ම්.....

Unknown said...

අර මක්කැයි?

Unknown said...

ඒ තරුනයාගෙ අනාගතේ මන්තර කාරි ලියවෙන්නෙ ඇගේ සාස්තරය නිසාම බවත්,
සාස්තරයෙ ඈ ගැන කියවෙන්නෙ අනාගතය නිසා බවත්......
anee manda mehe nane mantara kariyekwat... :-(

ප්‍රාර්ථනා said...

අනේ කවුද ඒ සුන්දර මන්තරකාරී...? :)

මන්තර කෙසේ වුණත්
හොද සාස්තර කාරියක් වගේ...

තරුනයා තරම්ම සාස්තර කාරිත් සතුටින් ඇති නේ.....ද..? :P

Unknown said...

@sampath eekane ban, ko koheda.. naane :/

@praarthana anee danne na.. kaalekin hamba une na dennagen 1k kenekwata.....

Post a Comment

කෝ දෙන්න බලන්න පොඩි කොමෙන්ටුවක් :P